Мотивирани од недостигот на заедници коишто ги спојуваат младите креативни и претприемачки умови, пред речиси три години се основа Стартап Клуб Скопје.

Целта на постоењето ваков клуб е да се креира заедница за сите млади кои имаат иновативни стартап идеи, да се вмрежат со луѓето од стартап и бизнис сферата и да се креираат можности за понатамошен развој и имплементирање на нивните идеи.

Стартап Клуб Скопје е прв централен претприемачки хаб на нашите простори што нуди поддршка низ целиот развоен процес на иновативните претприемачки проекти кој вклучува менторирање од искусни претприемачи, вмрежување, решавање на инвестициските прашања итн. Едноставно кажано, СКС е местото за реализирање на сечија стартап идеја!

Целта на нашата инкубаторска програма “Програма #ИмамИдеја” е да го поддржи развојот на иновативни бизнис идеи и да им обезбеди потребна поддршка на младите претприемачи со ресурси и обуки за успешно отпочнување и развивање на своите стартапи.

Колку трае и што нуди Инкубаторската програма?

Инкубаторската програма ќе трае три месеци и ќе обезбеди поддршка во вредност од 5000 евра за секоја од 10те бизнис идеи учесници. Програмата ќе се одвива под концептот „Стартапи градат стартапи“, со кој претприемачите ќе добијат директна менторска поддршка, образование и насока од успешни македонски стартап иноватори. Учесниците ќе имаат можност да користат заеднички канцелариски простор во склоп на Стартап Клуб Скопје и инфраструктура со која ќе се овозможи соработка меѓу учесниците и партнерите на инкубаторската програма.

1. 1. Развивање на бизнис модели
      • Работилници предводени од ментори за различни бизнис модели
      • Помош при изборот на најсоодветен бизнис модел за стартап идеја
      • Развивање на минимален остварлив производ (MVP)
   2. Стратегии за влез на пазарот
      • Креирање на план за влез на пазарот
      • Стратешко планирање
      • Диференцијација на продуктот
   3. Основни финансиски концепти
      • Пресметување маржи
      • Финансиски проекции и развој на модел на приходи
      • Финансиска писменост
      • Основни финансиски извештаји
   4. Брендинг и маркетинг
      • Насоки за социјални медиуми и онлајн присуство
      • Менторство на стратегии за брендирање, маркетинг и продажба
   5. Правна и административна поддршка
      • Разбирање на правните структури (домашни и меѓународни)
      • Упатство за правата на интелектуална сопственост (патенти, трговски марки, авторски права)
      • Помош при изготвување договори и договори
   6. Стартап финансирање
      • Можности за вмрежување и поставување пред потенцијални инвеститори, партнери и колеги претприемачи

Активности

1. 1. Време со гости ментори и инвеститори
   2. Работилници водени од експерти на специфични теми како вработување, маркетинг, технологија, производ итн.
   3. Приказни на основачите: доаѓаат претприемачи и споделуваат како ја изградиле својата компанија. Најдобриот дел е што е повеќе од она што го читате на интернет – во овој контекст, основачите искрено зборуваат за тоа што навистина се случило.
   4. Интензивна вежба за пичирање, како подготовка за Ден на инвеститори и собирање средства
   5. Ден на инвеститори каде ќе имате можност да ги пичирате вашите стартапи пред ангел инвеститори, VC фондови, и корпорации.

Кој може да учествува во Инкубаторската програма?

Во програмата може да учествуваат сите лица над 18 години што имаат креативна и иновативна бизнис идеја.

Како ќе бидат оценети апликациите?

За да се квалификувате за учество во инкубаторската програма, кандидатите ќе бидат оценети според следните критериуми:

• • • Капацитет на проектниот тим
    • Потенцијал на пазарот
    • Степен на иновативност

Пред почетокот на инкубаторската програма ќе се одржи хакатон каде 20 селектирани тимови ќе се натпреваруваат за место во инкубаторската програма.

Што ќе се случува на хакатонот?

Усовршување на идеи (brainstorming за дефинирање на идејата)
Истражување и анализа на пазарот за да се идентификува целната публика и одржливоста на пазарот
Упатување за дефинирање на единствена понуда за вредност
Креирање на бизнис модел канвас
Пичинг пред изборна комисија
Избор на идеи за влез во инкубаторската програма
На овој хакатон ќе бидат избрани 10 идеи за учество во инкубаторската програма.

Резултатите од изборот ќе бидат јавно достапни најдоцна 30 дена по истекот на рокот за аплицирање.

Доколку сакате да дознаете повеќе за повикот, на 15 ноември со почеток во 19:00 часот ќе се одржи инфо сесија поврзана со инкубаторскиот повик #ИмамИдеја.

Доста сонуваш! Кликни тука и направи го првиот чекор кон градење сопствен бизнис!

Рокот за аплицирање е до 15 јануари 2024 до 15:00 ч.

За сите дополнителни прашања и нејаснотии поврзани со повикот, обратете се на [email protected] најдоцна до 15 декември, 2023 година. *Прашања поставени на социјалните мрежи, телефонски и други канали за комуникација што не се овој мејл, нема бидат одговорени.